နှုတ်ဆက်စကား

ဝေးကြပြီတဲ့လားကွယ်…
အချစ်ဆိုတာ
လွယ်လွယ်ဖျက်လို့ရမယ့်
မှင်ချက်မျိုးမှ မဟုတ်တာ
ငါ့နှလုံးသားမှာ
စုတ်ချက်တင်ခဲ့ပြီးမှ
နုတ်ထွက်သွားချင်ရင်လဲ
မင်းသဘောအတိုင်းပါပဲ
အချစ်ဆိုတာ ချည်တိုင်မှမဟုတ်တာ
မင်းအတွက် ငါမလိုအပ်ရင်လဲ
ကျန်ခဲ့ပါရစေတော့
မင်းလျှောက်မယ့်လမ်းမှာ
ငါဟာ ဆူးတစ်ချောင်းမဖြစ်စေရပါဘူး
ထားခဲ့လိုက်ပါကွယ်
အချစ်ဆိုတာ
ရင်ဘတ်နဲ့ကြည့်မှ မြင်တတ်တာပါ
နှလုံးသာမပါဘဲ မင်းကြည့်ခဲ့တော့
ငါဟာ မင်းရဲ့လှောင်အိမ်တစ်ခုပေါ့
သွားပါတော့ကွယ်

ငါ နားလည်ခွင့်လွှတ်ပေးပါတယ်
ကိုယ့်ကိုယ်ကို နားမလည်နိုင်တော့လောက်အောင်
မင်းအပေါ်မှာ နားလည်ပေးခဲ့ပါတယ်
အဝေးဆုံးကိုသာသွားပါတော့
ငါပြောခဲ့ဘူးပါတယ်
မြစ်ခြား၊ ချောင်းခြား၊ ကမ္ဘာခြားသွားတာထက်
အသဲနှလုံးချင်းကွာခြားသွားမှာ
အကြောက်ဆုံးပါပဲ လို့
ငါမလိုချင်ဆုံးဆုလဒ်
ငါ့အတွက်ဖြစ်ခဲ့ပြီပဲ
ငါတို့နှစ်ယောက်ဟာ
ကမ္ဘာမခြားခဲ့ပါဘူးကွယ်
ရင်ချင်းအပ်၊ ကျောချင်းကပ်ပြီး
စိတ်တွေ တဖြည်းဖြည်းဝေးထွက်ခဲ့တာပါ
ငါ မင်းကိုအပြစ်မတင်ရက်ပါဘူး
အချစ်ဆိုတာ
တစ်ယောက်ကိုတစ်ယောက်
အပြစ်ပုံချဘို့မှ မဟုတ်တာ
မင်းအတ္တတွေရှင်သန်နေစေဘို့
ငါ့မျက်ရည်တွေနဲ့
ရေလောင်းပေါင်းသင်ပေးခဲ့ပါတယ်
ငါဟာ
မင်းမြင်ခဲ့တဲ့ ချည်တိုင်ဆိုရင်လည်း
သံယောဇဉ်ကြိုးကို
ငါဖြည်ပေးပါတယ်
လှောင်အိမ်တစ်ခုဆိုရင်လည်း
တံခါးဖွင့်ပေးလိုက်ပါပြီကွယ်
အဝေးဆုံးအရပ်ကိုသာ မင်းခရီးနှင်ပါ
မင်းသွားမယ့်ခရီးလမ်း ဖြောင့်ဖြူးအေးချမ်းဘို့
ငါဆုတောင်းပါတယ်။ ။
“သူငယ်ချင်းတစ်ယောက်ရဲ့ ခံစားချက်ပါ။”