"စိတ်နှလုံးရွှင်ပြုံးနိုင်ပါစေ"

အခေါ်အဝေါ်  

စာရေးသူ >> အညာသား


စာမေးပွဲခန်းတစ်ခန်းအတွင်း ကောင်လေး ၁ ယောက်နှင့် ကောင်မလေး ၁ ယောက် တွဲလျှက်ကျသော ခုံတစ်ခုံ၌ဖြစ်သည်။
ကောင်မလေး။ ။ “ဟိတ်လူကြီး၊ ကျုပ်ကို မေးခွန်းနံပါတ် (၃) ရဲ့အဖြေလေး ပြောပြပါလား”
ဟုပြောလိုက်ရာ သူကိုယ်တိုင်ပင် စာမေးပွဲမဖြေနိုင်လို့ စိတ်ညစ်နေတဲ့ အချိန်မှာ သူ့ကို “ဟိတ်လူကြီး” ဟုခေါ်လိုက်သောကြောင့် ကောင်လေး အလွန်ဒေါသ ထွက်သွားသည်။ သူနှင့်ဆိုလျှင် အသက်ရွယ်တူလောက် သာရှိမည်။ သို့နှင့် ဒေါသကိုထိန်းကာ ကောင်မလေးဘက်သို့လှည့်မကြည့်ပဲ မကြားချင်ယောင်ဆောင် နေလိုက်သည်။ ခဏကြာတော့ အထက်ကအတိုင်း ထပ်ပြောပြန်သည်။ ကောင်လေးလဲ ကြိုးစားပြုံးလိုက်ပြီး ကောင်မလေး ဘက်သို့လှည့်ကြည့်ကာ
ကောင်လေး။ ။ “ ကိုကို.. ကျွန်မကို မေးခွန်းနံပါတ် (၃)ရဲ့အဖြေလေး ပြောပြပါလား ရှင်... လို့ပြောရင် အဖြေကိုငါပြောပြမယ်”
ဟု ပြောပြီး သူ့မေးခွန်း၏အဖြေကို ဆက်၍စဉ်းစားနေလေသည်။ ကောင်မ လေးခမျာ ရှက်စိတ်ဖြင့် မျက်နှာကြီးနီရဲနေသည်။ စာမေးပွဲခန်းထဲမှာမို့ ပြန်ပြီးတော့လဲ ရန်မတွေ့ရဲဖြစ်နေသည်။ ဖြေဆိုချိန်ကလဲပြည့်ခါနီးတော့ ကောင်မလေးခမျာ စိတ်ဒုန်းဒုန်းချကာ ကောင်လေးကို “ကိုကို” ဟု တိုးတိုးလေးခေါ်လိုက်လေသည်။
ကောင်လေး။ ။ “မကြားရဘူး”
ဟုပြောပြီး အကြည့်လွှဲသွားသည်။ ကောင်မလေးခမျာ ရှက်နေရင်လဲ မထူး တော့ပြီမို့ အသံကျယ်ကျယ်ဖြင့် ထပ်ခေါ်ပြီး
ကောင်မလေး။ ။ “ကိုကို ကျွန်မကို မေးခွန်းနံပါတ် (၃) ရဲ့အဖြေလေး ပြောပြပါလားရှင်” လို့ပြောလိုက်ရာ ကောင်လေးက ကောင်မလေးဘက်သို့ လှည့်ကြည့်ပြီးပြောလိုက်ပုံက
ကောင်လေး။ ။ “ကိုကိုလဲ မင်းလိုပါပဲကွယ်...”...။ razz

ဆက်လက်ဖတ်ရှုရန်...

လို၍မရသောဆင်းရဲ  

စာရေးသူ >> အညာသား


“ဖိုးထောင်”
အဖေမရှိ၊ အမေမရှိ၊ ဆွေမျိုးကင်းမဲ့ပြီး ငယ်စဉ်ကတည်းက ယခုအရွယ်အထိ တစ်ကောင် ကြွက်ဘ၀နှင့် အကျည်းတန်ခက်ထန်စွာ ဖြတ်သန်းခဲ့သော်လည်း အလွန်ဖြူစင်ရိုးသားပြီး သူတစ်ပါးအပေါ် စေတနာအပြည့်နှင့် ကူညီပေးတတ်သည်။ တစ်ရွာလုံးက ဖိုးထောင်ကို ချစ်ကြသည်။ လိုအပ်လျှင် ခေါ်ခိုင်းတတ်သလို ပေးစရာကြွေးစရာရှိရင်လည်း ဖိုးထောင် အတွက် အားလုံးက စေတနာအပြည့်ရှိကြသည်။ တစ်နေ့တစ်နေ့ ထင်းခွဲ၊ ရေခတ်၊ နွား ကျောင်း အလုပ်တွေနဲ့ပင် ဖိုးထောင်ဘ၀ကို ဖြတ်သန်းလာခဲ့သည်မှာ ယခု လူပျိုအရွယ်ပင် ရောက်ခဲ့ပြီဖြစ်သည်။ မနှစ်က တစ်ရွာလုံး၏ကောင်းမှုအကြောင်းပြု၍ ဦးပဉ္ဇင်း ၀တ်ခဲ့ရလေ သည်။ ဖိုးထောင်သည် တစ်ရွာလုံးကို သူ့မွေးကျေးဇူးရှင်အဖြစ် စိတ်ဝယ်ရည်စူးကာ အမြဲ တမ်းအောက်မေ့လျှက်ရှိလေသည်။ နေ့စဉ်နှင့်အမျှ သူ့အတွက် စားဘို့သောက်ဘို့အပြင် အ၀တ်အစားကအစ ဘာမှပူပင်စရာမလို။ သူ၏အိပ်ယာကား ဆရာတော်ဦးခေမာ၏ ဘုန်းတော်ကြီးကျောင်းသာ ဖြစ်လေသည်။ ဆရာတော်၏ဝေယျာဝစ္စကို အများဆုံးလုပ် ပေးသူမှာလဲ ဖိုးထောင်ပင်ဖြစ်သည်။ ယခုအရွယ်အထိ ဆရာတော်၏ ဆုံးမသွန်သင်မှု အောက်မှာ ကြီးပြင်းလာသကဲ့သို့ ဆရာတော်ကလည်း ဖိုးထောင်၏ရိုးသားမှု၊ တစ် ဘက်သားအပေါ် စေတနာထားမှုတို့အတွက် ပီတိဖြစ်ရကာ အမြဲတမ်းသာဓုခေါ်လေ့ ရှိသည်။
တစ်နေ့ အပေါင်းအသင်းများ၏ စေတနာဇောဖြင့် တွန်းပင့်မှုကြောင့် ဖိုးထောင်တစ်ယောက် ရွာသူကြီး၏သမီးမကြင်လှကို လူပျိုစကားပြောမိလေသည်။ သူကိုယ်တိုင်ကလည်း မကြင်လှ ကို အရင်ကတည်းက ချစ်မိနေခဲ့သူဖြစ်သည်။ ဖိုးထောင်၏ရိုးသားသော စိတ်ထား ကိုသိ၍ စိတ်မဆိုးသော်လည်း ပြောဖန်များလာတော့ မကြင်လှအတွက် စဉ်းစားစရာ ဖြစ်လာသည်။ မကြင်လှသည် မြို့က သူဌေးတစ်ယောက်နှင့် ထိမ်းမြားလက်ထပ်ရန် လူကြီးချင်း သဘောတူပြီးသားဖြစ်သည်။ ဒါကို ဖိုးထောင်ကမသိ။ဖွင့်ပြောချင်သော်လည်း ဖိုးထောင်ကို သနားသောစိတ်နှင့်ပင် မပြောဖြစ်ခဲ့။ နောက်ဆုံးတော့ “ဘကြီးအောင် ထွင်းနေတဲ့ ယမင်းရုပ်လေး ကျွန်မကိုလက်ဆောင်ပေးရင် ကိုဖိုးထောင်ကိုပြန်ချစ်ပါ့မယ်” လို့ ဖိုးထောင်အား နှစ်သိမ့်စကားဆိုလိုက်လေသည်။ ဖိုးထောင်တစ်ယောက် အားရ၀မ်းသာနှင့် ဘကြီးအောင်ဆီသို့ အပြေးအလွှားသွားကာ “ဘကြီးအောင် ဒီယမင်းရုပ်လေး ကျုပ်ကိုပေး ပါလားဗျာ” လို့ တောင်းမိတယ်။ ဘကြီးအောင်ကလည်း ဖိုးထောင် ဘာကြောင့် လိုချင် မှန်းမသိပဲ “ဒီ ယမင်းရုပ်လေးက ရောင်းဘို့ ဖိုးထောင်ရ၊ ငွေ တစ်ကျပ်ခွဲရရင် ရောင်းမယ်” လို့ ရယ်ရယ်မောမောနှင့် ပြောလိုက်လေသည်။
ဒီလိုနဲ့ ဖိုးထောင်တစ်ယောက် ယမင်းရုပ်လေးကိုဝယ်ဘို့(မကြင်လှရဲ့ အဖြေစကားကို ကြားရဘို့) ပိုက်ဆံစုတော့သည်။ အရင်က ငွေဆိုတာ ဖိုးထောင်ဘာမှနားမလည်၊ တန်ဘိုး မထားတတ်ခဲ့သော်လည်း ယခုမူ တစ်ပဲ၊ တစ်ပြားကအစ သူ့အတွက် တန်းဘိုးရှိနေလေပြီ။ စိတ်ကူးတွေပင်လယ်ဝေပြီး မအိပ်နိုင်၊ မစားနိုင်နှင့် အလုပ်တွေသာ ဖိလုပ်နေသည်။ ထမင်းကြွေးရင်လဲမစား၊ အ၀တ်အစားပေးရင်လဲမယူပဲ လုပ်အားခအတွက် ပိုက်ဆံသာ တောင်းသည်။ “မိန်းမယူဘို့ ပိုက်ဆံတွေစုနေတာလား ဖိုးထောင်ရဲ့” ဟုမေးပြီး နောက် ပြောင်ကြသည့်အခါ “မဟုတ်ဘူး မဟုတ်ပါဘူး” ဟု အကြောက်အကန်ငြင်းတတ်သည်။ ရိုးသားပြီး အရှက်အကြောက်ကြီးသော ဖိုးထောင်အဘို့ ဘယ်သူဘာမေးမေး ဘာမှပြန် မပြောနိုင်ရှာ။ အရင်နဲ့မတူ အလွန်ပြောင်းလဲလာသော ဖိုးထောင်ကြည့်ပြီး တစ်ရွာလုံးက တအံ့တသြဖြစ်နေကြသည်။ “ဘကြီးထူးကို နွားကျောင်းပေးတဲ့နေ့က နှစ်ပြား၊ အရီးလေး ဒေါ်နုကို ထင်းခွဲပေးတဲ့နေ့က တစ်ပြား” စသည်ဖြင့် လက်ချောင်းကလေးများကို ချိုးကာ ချိုးကာ ပိုက်ဆံစာရင်းတွက်ရ၊ စစ်ရသည်မှာ နေ့စဉ်နှင့်အမျှဖြစ်သည်။ သို့ဖြင့် တစ်ပြား တိုးလျှင် တစ်မျိုးဝမ်းသာလျှက် စုဆောင်းလာခဲ့ရာ ဖိုးထောင်၏စိတ်ကူးယဉ်အိမ်မက်တို့ အကောင်အထည်ပေါ်မည့် ငွေတစ်ကျပ်ခွဲ ပြည့်သောနေ့သို့ ရောက်ခဲ့လေသည်။
ဥပုဒ်နေ့ဖြစ်သဖြင့် ဘုန်းကြီးကျောင်းတွင်လဲ အလုပ်ရှုပ်နေသည်။ ဆရာတော်ကို လျှောက်တင်ဘို့ မ၀ံ့သဖြင့် ဝေယျာဝစ္စအားလုံးပြီးစီးအောင် လုပ်နေရသည်။ ဖိုးထောင်၏ စိတ်အာရုံတွင်မတော့ ယမင်းအရုပ်လေးနှင့် မကြင်လှမျက်နှာကိုသာ မြင်ယောင်လို့ နေလေသည်။ ဝေယျာဝစ္စအားလုံးပြီးစီးပြီဖြစ်လို့ “ရွာထဲကို ခဏလောက်သွား ချင်ပါတယ် ဘုရား” ဟု ဆရာတော်အားတင်လျှောက်ကာ ဖိုးထောင်တစ်ယောက် အားရ၀မ်းသာ နှင့်ပြေးအလာ ဘကြီးအောင်ရဲ့အိမ်သို့အရောက် မကြင်လှသည် မြို့ကသူဌေး၏ ဘယ်ဘက်လက်ကိုတွဲထားပြီး သူဌေး၏ညာဘက်လက်ထဲတွင်မတော့ ယမင်းရုပ်လေး။ ဖိုးထောင် ဘကြီးအောင်အနားသို့ပြေးသွားပြီး “ဘကြီးအောင် ကျုပ်ကို ငွေတစ်ကျပ်ခွဲ နဲ့ရောင်းမယ်ဆို၊ ကျုပ်ဝယ်မယ်လေ၊ ရော့ ဘကြီးအောင် ရော့” ဟု ပြောရင်း ငွေတစ်ကျပ် ခွဲကို အတင်းထိုးပေးလေသည်။ ဘကြီးအောင် ဘာမှပြန်မပြောနိုင်ရှာ။ “ကျုပ်ကိုရောင်း ပါဗျာ၊ ဒီ ယမင်းရုပ်လေးကိုရမှ မကြင်လှက ကျုပ်ကိုပြန်ချစ်မှာမို့ပါ ဘကြီးအောင်ရယ်” ဟု မျက်ရည်စက်လက်နှင့်ပြောလေတော့ ဘကြီးအောင်က ဖိုးထောင်ကို ဂရုဏာသက် စွာကြည့်ပြီး “ဟောဒီသူဌေးလေးကို ငွေတစ်ဆယ်နဲ့ရောင်းလိုက်ပြီ ဖိုးထောင်ရဲ့” ဟုပြော လိုက်လေသည်။ ဘကြီးအောင်ကိုကြည့်လိုက်၊ မကြင်လှဘက်ကိုလှည့်ကြည့်လိုက်နှင့် မျှော်လင့်ချက်တို့ဆုံးရှုံးပြီး ဆို့နင့်ကြေကွဲနေသော ဖိုးထောင်တစ်ယောက် စကားတစ်ခွန်း ပင်မဆိုနိုင်ရှာတော့။ မျက်ဝန်းအစုံမှ စီးကျလာသောမျက်ရည်တို့ကိုသုတ်ကာ “ဘကြီးအောင်ညာတယ်၊ မကြင်လှညာတယ်၊ ဘကြီးအောင်ညာတယ်၊ မကြင်လှ ညာတယ်” ဟုအော်ဟစ်ကာ ထွက်ပြေးသွားလေတော့သည်။
ယခုအခါတွင်ကား ထိုရွာကလေး၏အနောက်ဘက် နွားစားကျက်အနီး ထိန်ပင်ကြီး၏ တောင်ယွန်းရှိ သချိုင်းကုန်းတွင် အုတ်ဂူလေးတစ်လုံးကို တွေ့နိုင်ပါသည်။ အုတ်ဂူလှိုဏ်ဝ အင်္ဂတေတွင်သွင်းနှံထားသော ကျောက်ပြားငယ်ထက်တွင်ကား “လို၍မရသော ဆင်းရဲ” ဟုစာတမ်းရေးထိုးထားပါသည်။

ကိုးကား။ ။ မင်းသုဝဏ်၏ “ဘကြီးအောင်ညာတယ်” ၀တ္ထုတို။
ဝန်ခံချက်။ ။၎င်းစာအုပ်အား ဘလော့တစ်ခုမှရယူပါသည်။ မမှတ်မိသောကြောင့် ဘလော့လိပ်စာဖော်ပြမပေးနိုင်ခြင်းအတွက် ဘလော့ပိုင်ရှင်အား တောင်းပန်အပ်ပါသည်။

ဆက်လက်ဖတ်ရှုရန်...

ချီးယားစ်နဲ့ ရေစစ်  

စာရေးသူ >> အညာသား

နောင်တော်
ရေစစ်ယူခဲ့ကွာ…
ဆုံတွေ့မှုအတွက် ချီးယားစ်ကြရအောင်။

တို့ချီးယားစ်နဲ့ ရေစစ်
နာဂစ်ဝင်မွှေသလို တစစီကွဲ
အလွဲလွဲမို့ အတွဲခက်လှချည့် ညီတော်ရ။

တို့သောက်မယ့် ဒီဘရန်းမှာ
အရသာအပြင် စကားလုံးတွေပါ
ပါသေးတယ် နောင်တော်ရ
ဒါ့ကြောင့် ဘရန်းထဲက
ကသန်းကရမ်းစကားတွေပါ မသောက်မိအောင်
ဒီရေစစ်နဲ့ စစ်ချလိုက်မယ်..
တော်ရာမှာသာကျန်ခဲ့ရအောင်ပေါ့ကွာ။

နားလည်မှုချင်း ပေါင်းကူးထားတဲ့
ရင်ဘတ်နှစ်ခုထဲကို စကားလုံးတွေ မစစ်ထားတဲ့
ဘရန်းတွေ ဝင်ခဲ့ရင်တောင်
ကသန်းကရမ်းစကားတွေအစား
ဆက်လျှောက်မယ့်မှတ်တိုင်တွေဆီ
ညီရင်းအကိုတွေလို ပေးဆပ်နားလည်ခြင်းတွေနဲ့
မေတ္တာမယိုင်ပဲ တွဲလက်မြဲစွာတည်နေမယ့်
သစ္စာစကားတွေက နေရာယူကြမှာပါ ညီတော်ရေ..။ ။

ကဲ ! ချီးယားစ်...

ကျန်စစ် နှင့် အညာသား ချီးယားစ်မလုပ်ခင် ရေးဖွဲ့သည်။ razz

ဆက်လက်ဖတ်ရှုရန်...

ကျနော့်မွေးနေ့  

စာရေးသူ >> အညာသား

၂၃ နှစ်ပြည့်မွေးနေ့လေးဖြစ်ပါတယ်။ လူ့လောကထဲသို့ ကျနော့်ကို မွေးဖွါးသန့်စင် ပေးလိုက်သော အနန္တဂိုဏ်းဝင်မိဘနှစ်ပါးအား ရှိသုံးခါခိုးရိုကျိုးပါ၏ (သောက်ပြီးရင် ကန်တော့ဘို့ မေ့သွားမှာစိုးလို့ :P) ။ မွေးနေ့ကို ပျော်ပျော်ပါးပါး ဆင်နွှဲဘို့ စိတ်ကူးယဉ်ခဲ့တာ အကြိမ်ပေါင်း မနည်းတော့ပါဘူး။ အကြောင်းကြောင်းသော အကြောင်းကြောင်းတွေကြောင့် စိတ်ကူး အိမ်မက်တို့ကို အကောင်အထည် မဖော်နိုင်ခဲ့ပါဘူး။ ကျနော့်စိတ်ကူးတွေ အကောင်အထည် ပေါ်တဲ့ နေ့ဟာ ဒီနေ့(ပထမဆုံးအကြိမ်) ပါပဲခင်ဗျာ။ ကျနော့်မွေးနေ့ကို လာရောက်အားပေး ကြတဲ့ ကိုကိုမမအားလုံးကို အများကြီးကျေးဇူးတင်ပါတယ်ခင်ဗျာ။

ကိုကိုမမများအတွက် မွေးနေ့အစီအစဉ်



မွေးနေ့ကိတ်






စားကောင်းသောက်ဖွယ်များ








Happy Birthday


ညီတော်မောင် အချစ်တုံးလေး “မောင်ကျန်ရစ်”ရဲ့ ကျနော့်အတွက် မွေးနေ့လက်ဆောင်ပါ။

မင်းဘဝအချိန်တွေရဲ့ ငါးပုံတစ်ပုံကို
ငါနဲ့အတူ တလိမ့်ကောက်ကွေး စီးမျောခဲ့ကြပြီး
လက်မောင်းသွေးဖောက် သစ္စာရေမသောက်ပဲ
ညီအစ်ကိုတွေဖြစ်ခဲ့ကြတဲ့ မင်းနဲ့ငါ
ဘဝအစိတ်အပိုင်းတွေ အားလုံးထွင်းဖောက်လို့
အတ္တဆိုတာ တစ်ယောက်ရဲ့ကောင်းကျိုးတယောက် ဖြည့်ခြင်းပဲ။
ဝမ်းနည်းမှုဆွတ်ပျံတိုင်း ပျော်ရွှင်ခြင်းလွန့်လူးတိုင်း
တူတူစားသုံးခဲ့ကြတာ မေ့နိုင်စရာမှ မဟုတ်တာ။
မင်းမိသားစုရဲ့ မြင့်မိုရ်လို ထူမတ်ထားတဲ့မင်း
ငါ့အတွက် သူငယ်ချင်းလည်းဟုတ် အစ်ကိုဆိုလည်း ဟုတ်တယ်။
ဒီနေ့ဟာ မင်းဘဝလမ်းကြမ်းကြမ်းရဲ့
(၂၃) ဆိုတဲ့ မှတ်တိုင်တခုပေါ့…
ဒီနေ့ ဒီရက်မှစပြီး ကံကောင်းခြင်းတွေစီးနင်းရင်း
ပီတိတွေစားသုံးလို့ ပျော်ရွှင်ငြိမ်းချမ်းတဲ့
ကမ္ဘာတစ်ခု မင်းဖန်တီးနိုင်ပါစေ သူငယ်ချင်း။
ကျန်နေတဲ့ မင်းဘဝအပိုင်းအစတွေမှာ
ငါဆိုတဲ့ မင်းသူငယ်ချင်း မင်းညီတစ်ယောက်
ဘေးမှာအမြဲရှိနေတယ်ဆိုတာ ယုံပေးထားလိုက်တော့ကွာ။

မောင်နှမအရင်းပမာ ချစ်ခင်ရသော အစ်မတော် “အစိမ်းရောင်မိန်းကလေး” ရဲ့ မွေးနေ့လက်ဆောင် ကဗျာလေးပါ။

မောင်လေးသို့…

နှစ်ဆယ့်တစ် ဇွန်
အသက်တစ်နှစ်လွန်
အဟောင်းတွေ မေ့ထား
မောင်အညာသား...
ဘ၀ခရီး ရှေ့ဆက်
ဇွဲမာန်အပြည့်နဲ့
နှစ်ဆယ့်လေးအတွက် အားအင်ထည့်...
စိတ်နှလုံးသား ဖြူစင်ရှင်းစေ
ဘ၀ခရီး စမ်းလိုအေးစေ
ပညာဥာဏ်အသိ ဓားလိုထက်စေ
ရည်ရွယ်ချက်ထား ပန်းတိုင်ရောက်စေ

အမိကောင်းသား ပီသစေ...
မြတ်ဆန္ဒနဲ့ ဆုမွန်ခြွေ
နှစ်ပေါင်း တစ်ရာ့နှစ်ဆယ် တည်ပါစေ...

“ကျနော့်မွေးနေ့ကို လာရောက်အားပေးကြတဲ့ ကိုကိုမမများအားလုံးကို Record လုပ်ထားမှာဖြစ်ကြောင်း၊ ရှိစုမဲ့စုလေးနဲ့ မွေးနေ့ပွဲလုပ်လိုက်ရသဖြင့် အညာသား ဆီမှာ လုံချည်တစ်ထည်သာကျန်ပါတော့ကြောင်း၊ မွေးနေ့ပွဲပြီးတာနဲ့ ကိုကိုမမများ ဆီသို့ တစ်အိမ် တစ်ရက် လိုက်လံစားသောက်မှာဖြစ်ပါကြောင်း အသိပေး ကြေညာအပ်ပါသည်ခင်ညာ” razz
(ဓာတ်ပုံတစ်ချို့အား http://myanmarbamar.blogspot.com/ မှ ရယူပါသည်။)

ဆက်လက်ဖတ်ရှုရန်...

အို...မယ်တို့  

စာရေးသူ >> အညာသား

အမျိုးမျိုးပေတဲ့ ကိုးကိုးစနေ က
တင်ဇာမော်ကို အရင်အပါခေါ်ကာ

သိမ်းမြစ်ကိုပတ်နေပြီး

ကျက်သရေတိုးတဲ့ မမေမိုး က

အနုပညာကို အတုထွင်ကာ

အကောင်းမြင်နေသူပေါ့ဗျာ။

အတင်းအမြဲပြောတဲ့ ဂရင်းဂဲလ်ချော ရဲ့နာမည်ကတော့

အမြဲတစ်ကယ် “လဲလည်” တဲ့။

အသွင်ထူးနေတဲ့ ခင်ဦးမေ က

တိမ်ကွယ်ကာ အိမ်လည်ထွက်နေရဲ့။

ပန်းခရမ်းပြာ က ၀မ်းပန်းတသာနဲ့

နတ်မြင်းပျံကိုစီးပြီး ဘ၀င်နွေးအောင်

သမင်လေးတွေအကြောင်း တစ်စေ့တစ်စောင်း။


အလွမ်းတွေနဲ့ ပန်းခရေ က
စမ်းရေမှာ ပန်းအကြွေတွေငေး

အတွေးလေကာ မွေးဖေဖေကို တမ်းတနေရဲ့။

ဆူးလင်းသစ် ကတော့

ချစ်သောကမ္ဘာ သာယာလေအောင်

အလင်းရောင်ဖေးကူ ကြိုးစားနေသူပါ။

ရည်မွန် က နီယွန်တွေကြားမှာ

အရှုံးများကို နှလုံးသားမှာကဗျည်းထိုး

စောင်းကိုတီးကာ ကျောင်းအိုကြီးကိုလွမ်းနေသတဲ့။

မနောမြေကို အမောပြေလွမ်း

တမ်းတမှုတွေအတိ ဇနိ ကတော့ရိုးသားနေဆဲ။

အရှုပ်တွေလုပ်မိလို့ အလုပ်တွေရှုပ်

အကြောင်းဖန်ကာ တောင်းပန်နေသူက စမိုင်းလ်မေ

ဘလော့လောကကို ကျနော့သဘောဗျဆိုပြီး

စီဘောက်မှာ အတည်ပေါက်နဲ့လျှောက်ရေးနေသူတွေကို

ဖူးဖူး က အရူးအမူးတောင်းပန်နေသဗျ။

ကုသိုလ်ပြုယူ ရွာအလှူတွေဝယ်

ကွယ်ရင်အပြတ်တီးတတ်တဲ့ ကြယ်စင်နတ်သမီး က

နှလုံးသားဒိုင်ယာရီမှာ အရှုံးများမပိုင်ပါသည်ဆိုပေမယ့်

အလွမ်းပေါ်အလွမ်းတွေဆင့် ရင်နင့်နေသူပေါ့။

“စာမေးပွဲများနှင့်နပန်းလုံးနေသောကြောင့် ပို့စ်တင်တာနောက်ကျခြင်းကို မမ(မ)ရွှေချော များ ရွှေစိတ်တော်မညှိုးစေရန်အလို့ငှါ အနော်အညာသားလေးမှ တောင်းပန်အပ်ပါကြောင်း”

ဆက်လက်ဖတ်ရှုရန်...

အို...မောင်တို့  

စာရေးသူ >> အညာသား

စမ်းရေသံက အလွမ်းဖြေရန်
ကဗျာလေးတင်ထားသလို

ကျနော်နဲ့ အတင်းရန်ဖြစ်တဲ့

မင်းကျန်စစ်ရဲ့ မလှမပကမ္ဘာမှာတော့

သာဓုခေါ်ဘို့ မောင်းတီးနေလေရဲ့။

BlackDream က (တာဝန်)မပျက်မယွင်းပဲ

ရုရှားကလပ်ကို အပြတ်အသားနှပ်ကာ

အနိုင်ရရှိကြောင်း သတင်းကောင်း..။

အကျောမခံနိုင်တဲ့ စောမဏ္ဍိုင် ကတော့

သတင်းမကောင်းတဲ့ မင်းအကြောင်းကိုတွေးနေပြီး

ပြောင်လွန်းတဲ့ နောင်ထွန်းကတော့

အပြာရောင်ကို ဘာလချောင်(ကြော်) လိုကြိုက်သတဲ့။

အမြတ်ဘ၀င်ထောင်တဲ့ နတ်သျှင်နောင်ရဲ့

စာတွေကိုတော့ မဖတ်ချင်ပေါင်။

ဖြိုးငယ်ကလဲ အဖိုးတကယ်မဖြတ်နိုင်တဲ့

ချစ်သူ့ Birthday ကျင်းပပေးတယ်။

ကလောင်ပိုင်တဲ့ မောင်နိုင်က

အလျဉ်းဆိုးတဲ့ Window ပြဿနာရှင်းနေပြီး

အကြံထူးတဲ့ ၀ဿန်ဦးက

မြေမှာဟစ်ကြွေးကာ

အမေကဗျာအသစ်လေး တင်ထားတယ်။

အတင်းညှော်တဲ့ (ကို)၀င်းဇော်က

ကမ္ဘာ့ပတ်ဝန်းကျင်ကို အလှမပြတ်မယွင်းအောင် ထိန်းသိမ်းနေသူပါ။

အဇ္ဈတ္တပြခန်း က အလွမ်းတွေစာဖွဲ့

ကဗျာနဲ့သက်သေတည်ကာ မျက်ရည်ကြည်တွေကျနေရဲ့။

ဖိုရင်ထိန်းရမယ့် ကိုရင်ညိန်းက

အမြတ်ပြေအေး သက်ရှည်ဆေးတွေကြွေးနေတယ်။

ဗိုလ်တစ်ထောင်းသားက အချိုအချောင်တွေစားပြီး
ဂိုထောင်ကြားမှာ သူ့ဘလော့ကိုပစ်ထားတယ်။

အချိုရောင်းချင်တဲ့ ကိုကောင်းကင်က

စာမေးပွဲနဲ့နပန်းလုံးနေသဗျ။

ကြိုင်သင်းဘေးဖြာ မဒိုင်ကျင်းကျေးရွာမှ

မပြုမပြင်ကြောင်လိုချောတဲ့ ဘုတလင်မောင်ညိုချောက

မွေးမေမေအတွက် ၀မ်းမြောက်ဖွယ်စကား။

အပျိုကညာများဆွေးတဲ့ ကိုရွာသားလေးကတော့

အိပ်နေတုန်းပဲဗျ။

အလွမ်းတွေ စမ်းရေလိုစီးနေတဲ့ လွမ်းစေကြီးက

အသစ်ထွင်ကာ အချစ်ဝင်္ကပါကို ပတ်နေတယ်။

အပိုမပါတဲ့ ဂျိုကာက

ဝေးနေပူဆွေး ချစ်သူလေးကို

ပြန်လာပါ အဖန်တရာခေါ်နေသဗျာ။

အတွေးမှတ်စု မနှေးဖတ်ရှုချင်ရင်တော့

မီးပြတိုက် ဆီကိုသွားကြလော့…။

တစ်ချိန်တုန်းကအမှတ်တရတွေ ကတော့

မသိခြင်း…မသိခြင်း တွေပဲရှိတယ်။

အပျိုများရှိုးတဲ့ ကိုသားစိုး ကတော့

ရွှေအိုးထမ်းကိန်းမြင်တယ်ဗျ။

ဂစ်တာနဲ့ဂီတ..မပီမသဖြည်ချကာ

freshup ကတော့ ထက်မြက်နေမြဲ။

အပျော်တက်မက်တဲ့ (ကို)ကျော်သက်လက် က

အလှတရားကို ကမ္ဘာ့ဖလားလို တန်ဘိုးထားတဲ့သူပါ။

တိမ်တစ်ဘက်အစွန်မှ အိမ်မက်အလွန်ကတော့

အမြတ်ကြီးတဲ့ နတ်သမီးကို မပြတ်ညည်းနေတဲ့သူပေါ့။

ချောင်တိုးတဲ့ မောင်မျိုး ရဲ့ရင်ထဲမှ

အသဲတစ်စုံက ထွက်ပေါက်မဲ့နေတယ် ဆိုပဲ။

ဗြုတ်စဗြင်းတောင်း မောင်မောင်ဇောင်း က

စောဒကအထာနဲ့ ရောသမကဗျာရေးထားပြီး

အတွဲညီတဲ့ သရဲနီ တွေကတော့

ပန်းတိုင်ဆီ အလှမ်းပြိုင်ညီ ချီတက်နေဆဲ။

လူမမယ်သေးတဲ့ ညီမလေးအတွက်

ညိမ်းညို က ကဗျာတစ်ပုဒ်တင်ထားသဗျ။

လွမ်းတာကို ကျမ်းစာလို သမုတ်

မဟုတ်မဟတ်တွေရေးထားသူက ကိုချီရွန်

အပျိုဆိုးမမက်တဲ့ ကိုစိုးထက် နဲ့

ရစ်မူးနေတဲ့ တင့်ထူးရွှေ တို့ကတော့

ဘလော့ပိတ်သွားကြောင်းပါ ခင်ဗျာ...။ ။

မည်သူတစ်ဦးတစ်ယောက်ကိုမှ နစ်နာစေလိုသော ဆန္ဒမပါရှိပါ။ ကျနော့်ပို့စ်တွင် စာဖတ် ပရိတ်သတ်အား စိတ်အနှောင့်အယှက် တစ်စုံတစ်ရာဖြစ်စေသော စကားများ၊ ရိုင်းပျ သောစာသားများ ပါဝင်ခဲ့လျှင် အနူးညွတ်တောင်းပန်အပ်ပါသည်။ ခင်မင်မှုကိုသာ အဓိ ကထား၍ ရေးခြင်းဖြစ်ပါသည်။ ဘလော့ဂါညီအစ်မများအတွက် ရေးသားနေဆဲဖြစ်သဖြင့် ဆက်ရန်ရှိပါသေးသည်။

ဆက်လက်ဖတ်ရှုရန်...